បាត់ដំបងមានអ្វីឆ្ងាញ់?

I- (ប) បាត់ដំបងបាត់ដំបង មានអ្វីឆ្ងាញ់ទេ? (ស) អូ!មានហូរហែ មិនខ្វះទេណា (ប) តើមានអ្វីខ្លះ កែវកនិដ្ឋា សូមមេត្តា រៀបរាប់ប្រាប់ផង (ស) សូមចាំស្ដាប់ ខ្ញុំរៀបខ្ញុំរាប់ប្រាប់បង សូមចាំស្ដាប់ ខ្ញុំរៀបខ្ញុំរាប់ប្រាប់បង (ប) អរគុណនួនល្អង បងចាំស្ដាប់ហើយ។ 

II- (ស) បាត់ដំបងបាត់ដំបង មានសព្វបែបយ៉ាង មានម៉ាក់​ប្រេងម៉ាក់ប្រាង ដូងខ្ទិះនិងស្វាយខ្ទិះ មានក្រូចពោធិ៍សាត់ ផ្អែមឆ្ងាញ់ពិសេស ចាំខ្ញុំបេះជូនបងពិសា (ប) អរគុណហើយ អរគុណហើយកែវកនិដ្ឋា អរគុណហើយ អរគុណហើយកែវកនិដ្ឋា ញ៉ាំពីរនាក់ណា ទើបបងព្រមញ៉ាំ។

III- (ស) បាត់ដំបងបាត់ដំបង មានផ្អកត្រីប្រៃ (ប) អូ!ផ្ទាប់អំពិលខ្ចី ឆ្ងាញ់ណាស់​ព្រលឹង លក់នៅឯណា? (ស) អូនៅឯភូមិថ្នឹង (ប) បើអ៊ីចឹងយើងនាំគ្នាទៅ (ស) យើងកាត់តាមផ្លូវភ្នំសំពៅ យើងកាត់តាមផ្លូវភ្នំសំពៅ (ប) រួចហើយហួសទៅ លេងបរប៉ៃលិន។

IV- (ស) ប៉ៃលិនប៉ៃលិន មើលផ្លែទុរេន (ប) អូ!ក្រអូបមែនទែន ឆ្ងាញ់ណាស់ណាម៉ុម (ស) ឯផ្លែសាវម៉ៅ ផ្អែមដូចទឹកឃ្មុំ ពណ៌លឿងទុំ ដូចមាសឆ្អិនឆ្អៅ (ប) បរប៉ៃលិន​និងបាត់ដំបង សប្បាយណាស់ពៅ បប៉ៃលិននិងបាត់ដំបង សប្បាយណាស់ពៅ បងលែងចង់ទៅ ភ្នំពេញវិញហើយ ។