Get 40% OFF with the Pretty Big Deal Sale. Speak Khmer FAST for as low as $6/month
តើអ្នកចង់បានជាស្អាតឬទេ?
មិនស្គាល់ - ទំនុកខ្មែរបរិសុទ្ធ
-
00:00 / 00:00
-
១- តើអ្នកចង់បានជាស្អាតឫទេ? កុំនៅគិតគ្នេហ៍នាំឱ្យខកអី ព្រះយេស៊ូវរង់ចាំប្រោសអ្នកថ្លៃ ចូលមកឃ្មាតខ្មីឯព្រះអង្គចុះ ។
២- ទ្រង់ប្រោសរោគឃ្លង់ស្រកីអណ្តែង ឆ្កួតស្កន់កាច់ឯងដួលឥតងើបសោះ រោគខ្វិនថ្លង់ខ្វាក់អារក្សនាំឆ្ពោះ ផ្នូរខ្មោចឯណោះឱ្យស្លាប់តាយហោង ។
៣- រោគនៅខាងក្នុងឥតដឹងខ្លួន ចិត្តធំគ្មានទ្វេអួតអាងកន្លង ក៏កាចសាហាវឈ្លានពានអ្នកផង លោភលន់ប៉ុនប៉ងតែទ្រព្យលោកិយ ។
៤- ព្រះអង្គប្រោសអ្នកឱ្យជាស្រឡះ ប្រញាប់រូតរះតើស្ទាក់ស្ទើរអី បើអ្នកចង់ចូលមកឃ្មាតខ្មី ទ្រង់មានខន្តីហើយស្រឡាញ់មនុស្ស ។
៥- ព្រះអង្គតែងប្រោសមិនចោលអ្នកទៅ អ្នកនឹងរស់នៅបើព្រះអង្គលោះ ពីអំណាចស្លាប់ជៀសមិនផុតសោះ ទ្រង់ស្រាយហើយអស់គ្មានសេសសល់អ្វី។
៦- ទ្រង់ប្រោសអ្នកជាស្អាតរោគបាបកម្ម ដែលមានប្រចាំគ្រប់មនុស្សស្រុសស្រី បើបានជាស្អាតក៏មានសេរី រងចាំថ្ងៃទ្រង់មកយកទៅ ៕