Get 40% OFF with the Pretty Big Deal Sale. Speak Khmer FAST for as low as $6/month
មិនស្គាល់ - ទំនុកខ្មែរបរិសុទ្ធ
1. ព្រះគ្រីស្ទបានកើតមកជាមនុស្សហើយ ឱ! ជាតិខេមរាអើយ ម្ដេចឡើយក៏នៅព្រងើយ មិនទទួលទ្រង់ ទ្រង់ប្រសួតនៅបេថ្លេហិម នាំទាំងសេចក្ដីសង្ឃឹម ប្រទានដល់គ្រប់មនុស្សផង ឲ្យទទួលទ្រង់ ព្រះអង្គជាផ្លូវនាំយើងដើរឆ្លង ឆ្ពោះតម្រង់ទៅឋានព្រះវរបិតា ។
ឱ! ជាតិខេមរាអើយ ចូរទទួលជឿទ្រង់ចុះ ។
2. ព្រះគ្រីស្ទបានប្ដូរបង់ព្រះជន្មហើយ ឱ! ជាតិខេមរាអើយ ម្ដេចឡើយក៏នៅព្រងើយ មិនដឹងព្រះគុណ ទ្រង់ទទួលរងទុក្ខជួសយើង សុគតនៅលើឈើឆ្កាង ដោយព្រោះបាបយើងសែនធ្ងន់ ទ្រង់រងទារុណ ព្រះហស្ដទ្រង់ធ្លុះឈាមហូរជោរជន់ ខ្ចាយឲ្យថួនទុកជាតម្លៃប្រោសលោះ ។ ឱ! ជាតិខេមរាអើយ ចូរទទួលជឿទ្រង់ចុះ ។
3. ព្រះគ្រីស្ទមានព្រះជន្មរស់វិញហើយ ឱ! ជាតិខេមរាអើយ ម្ដេចឡើយក៏នៅព្រងើយ មិនជឿព្រះអង្គ ទ្រង់សន្យាថានឹងយាងមក ជំនុំជម្រះមនុស្សលោកដែលដើរតាមពួកសាតាំង ដាក់ទោសយ៉ាងខ្លាំង រឺពួកកូនព្រះមានឈ្មោះក្នុងក្រាំង ទ្រង់លើកតាំងក្រោយពេលប្រោសឲ្យ រស់វិញ ឱ! ជាតិខេមរាអើយ ចូរទទួលជឿទ្រង់ចុះ ។
4. ព្រះគ្រីស្ទទ្រង់ជិតយាងមកវិញហើយ ឱ! ជាតិខេមរាអើយ ម្ដេចឡើយក៏នៅព្រងើយ មិនរង់ចាំទ្រង់ ព្រះអង្គយាងមកនឹងគ្រងរាជ្យ ជាក្សត្រដ៏មានអំណាច គង់នៅអស់កល្យយូរលង់ រាជ្យទ្រង់គង់វង់ រឺពួកបរិសុទ្ធដែលរង់ចាំទ្រង់ នោះព្រះអង្គប្រទានជីវិតអស់កល្យ ។ ឱ! ជាតិខេមរាអើយ ចូរទទួលជឿទ្រង់ចុះ៕