Get 40% OFF with the Pretty Big Deal Sale. Speak Khmer FAST for as low as $6/month
ព្រះហឫទ័យស្មោះត្រង់
មិនស្គាល់ - ទំនុកខ្មែរបរិសុទ្ធ
-
00:00 / 00:00
-
១- បងប្អូនអើយចូរចាំជាក់ថា ព្រះវរបិតាទ្រង់មានហឫទ័យស្មោះត្រង់ ទ្រង់ហៅយើងមក ដោយបានសន្យាឱ្យធ្វើជាកូនព្រះអង្គ គឺទ្រង់
ស្មោះត្រង់ មិនដែលបោះបង់ កូនណាមួយចោលសោះឡើយ ចូរទុកចិត្តទ្រង់ចុះ ព្រោះទ្រង់បានសន្យាហើយ។
២- ទ្រង់ស្មោះត្រង់ជួយយើងរាល់ថ្ងៃ នៅនាលោកិយកើតមានសេចក្តីល្បួងមិន ស្បើយ ជាប់មានទុក្ខព្រួយបៀតបៀនខ្វះខាត ទ្រង់មិនធ្វើកន្តើយតែងប្រោស
ឱ្យល្ហើយ មិនដែលខានឡើយ រាល់ពេលណាផ្ទេរលើទ្រង់ ចូរទុកចិត្តទ្រង់ចុះ ទ្រង់មានព្រះទ័យស្មោះត្រង់ ។
៣- ទ្រង់សន្យាតាំងអ្នកសុចរិត ដោយជំនឿពិតលើព្រះរាជបុត្រាព្រះអង្គ នឹងយាងមកទៀតតាមពេលកំណត់ ដោយសារយល់ដល់កូនទ្រង់ បំផ្លាស់
រូបអង្គ អ្នកស្មោះតាមទ្រង់ ជារូបកាយដ៏ឧត្តម៕
