Get 40% OFF with the Pretty Big Deal Sale. Speak Khmer FAST for as low as $6/month
ស័ព្ទទេវតាច្រៀងជូនពរ
មិនស្គាល់ - ទំនុកខ្មែរបរិសុទ្ធ
-
00:00 / 00:00
-
១. កណ្ដាលអាធ្រាត អឺយ ចន្ទ្រារះថ្លៃថ្លា (ស្ទួន)
អស់ពួកទេវតា បន្លឺសំឡេងច្រៀង (ស្ទួន)
ពិរោះភិរម្យអឺយ ឮសូរតែសៀង មានទាំងសំនៀងអឺយ ពិណប្រគំឆ្លើយឆ្លង
(ហាលេ ហាលេ ហាលេ ហាលេលូយ៉ា) ។
២. ទេវតាចុះមកអឺយ ទាំងហោះជ្រែកមេឃា (ស្ទួន)
កាងស្លាបលោតលា ហើយស្រែកច្រៀងរំពង (ស្ទួន)
ពិភពផែនដីអឺយ ស្ងប់ក្រៃកន្លង ស្ដាប់ចម្រៀងផងអឺយ ចម្រៀងពួកទេវតា
(ហាលេ ហាលេ ហាលេ ហាលេលូយ៉ា) ។
៣. ទេវតាស្រែកច្រៀងអឺយ ចម្រៀងជូនពរជ័យ (ស្ទួន)
សិរីសួស្ដី កើតមានដល់លោកា (ស្ទួន)
ព្រះគ្រីស្ទនាំយកអឺយ អំណោយថ្លៃថ្លា ពីឋានសួគ៌ាអឺយ
ចែកជូនដល់មនុស្សលោក
(ហាលេ ហាលេ ហាលេ ហាលេលូយ៉ា) ។
៤. សូមផែនដីជួបអឺយ នឹងសេចក្ដីអំណរ (ស្ទួន)
ក្ដីសុខបវរអឺយ ព្រះគ្រីស្ទបាន នាំមក (ស្ទួន)
សូមផុតទុក្ខភ័យអឺយ ផុតសោកវិយោគ បានតែក្ដីសុខអឺយរៀងដរាបអើយ
(ហាលេ ហាលេ ហាលេ ហាលេលូយ៉ា) ។
