ចម្រៀងថ្វាយព្រះពរ

១-  សូមថ្វាយព្រះពរ                      ដ៏បវរមហាជោគជ័យ       ( ស្ទួន)

      យើងគ្រីស្ទជនទាំងប្រុសស្រី          សូមថ្វាយដោយស្មោះស   ( ស្ទួន)

      ឱ! ព្រះយេស៊ូវ                        យើងខ្ញុំថ្វាយដោយអំណរ

      ដ្បិតទ្រង់បានស៊ូប្ដូរ                   ជាប់ឆ្កាងជួសយើងជាក់ច្បាស់។

២-  ព្រះលោហិតទ្រង់                     ហូរខ្ចាយដរាបដល់ក្ស័យ    (ស្ទួន)

      លោះបាបមនុស្សក្នុងលោកិយ        គ្រប់ពូជគ្រប់ជាតិសាសន៍    (ស្ទួន)

      ដ្បិតទ្រង់ស្រឡាញ់                   ដល់យើងខ្ញុំជាខ្លាំងណាស់

      ព្រះទ័យមិនប្រែផ្លាស់                 ចោលយើងឱ្យរងវេទនា។

៣-  ទូលព្រះបង្គំ                           រូបយើងខ្ញុំគ្រប់ៗប្រាណ       (ស្ទួន)

      សូមលើកហត្ថាឡើងថ្កាន             ក្រាបប្រណម្យវន្ទា             (ស្ទួន) 

      ថ្លែងអរព្រះគុណ                      ធ្ងន់វិសេសឥតឧបមា

      ព្រះតេជះឫទ្ធា                        សូមបានថ្កុំផ្កើងរុងរឿង ។ 

៤-  សូមរាជ្យទ្រង់បាន                     គ្រប់គ្រងដោយឫទ្ធិចេស្ដា      (ស្ទួន)

      ហើយទ្រង់ក៏ជាសិរីសា                គ្រប់គ្រងដឹកនាំយើង            (ស្ទួន)

      ទ្រង់នឹងធ្វើទោស                      ដល់លោកិយដោយសារភ្លើង

      ចំណែកឯពួកយើង                    ទ្រង់បានប្រោស់លោះរួចហើយ។

៥-  ទូលព្រះបង្គំ                            យើងខ្ញុំសូមថ្វាយព្រះពរ          (ស្ទួន)

      ថ្វាយសិរីរុងរឿងបវរ                   ព្រះជន្មអស់កល្បអើយ           (ស្ទួន)

      សូមរាជ្យព្រះអង្គ                      ឆាប់មកដល់កុំយូរឡើយ

      ខ្មាំងបៀតបៀនមិនស្បើយ             ដល់យើងខ្ញុំជាខ្លាំងណាស់។