សរសើរព្រះគុណ

១-  ថ្ងៃនេះជាថ្ងៃដ៏ល្អ                        យើងនាំគ្នាមកសរសើរព្រះគុណ

     ព្រះអង្គដែលមានគុណធ្ងន់              ផ្ដល់ក្ដីទន់ភ្លន់ដល់យើងទាំងឡាយ

     មកចុះយើងជុំគ្នាកុំបីរសាយ             ស្រីប្រុសផងទាំងឡាយយើងបបួលគ្នា

     មកសរសើរតម្កើងព្រះគុណ             មកសរសើរតម្កើងព្រះគុណ

     ដែលមានគុណធ្ងន់ព្រះករុណា។

២-  យើងសូមសរសើរព្រះអង្គ              ដែលព្រមយាងចុះមកក្នុងលោកា

      ដោយព្រះហឫទ័យស្នេហា            លះឋានសួគ៌មកកើតជាមនុស្ស

      គឺព្រះយេស៊ូដែលជួយសង្គ្រោះ        ព្រមស្លាប់ជាជំនួសរូបយើងរាល់គ្នា

      សូមសរសើរតម្កើងព្រះគុណ           សូមសរសើរតម្កើងព្រះគុណ

      ដែលមានគុណធ្ងន់ព្រះករុណា។

៣-  អង្គព្រះវិញ្ញាណទ្រង់នាំ                  ឲ្យយើងខិតខំដើរទៅឋានសុខ

      ពុះពារឧបស័គ្គរាំងមុខ                   ទោះបីមានទុក្ខលំបាកយ៉ាងណា

      ធ្វើតាមតែអ្វីៗដែលព្រះបញ្ជា            ទ្រង់គង់ជាមួយយើងតាមព្រះសន្យា

      សូមសរសើរតម្កើងព្រះគុណ            សូមសរសើរតម្កើងព្រះគុណ

      ដែលមានគុណធ្ងន់ព្រះករុណា ។